Анна Данилина "Ролан Гаррос" турнирінің финалына шықты
Бұл туралы Қазақстан теннис федерациясы мәлімдеді
Қазақстандық теннисші Анна Данилина сербиялық Александра Круничпен бірге Франция ашық чемпионаты – "Ролан Гаррос" турнирінің финалына жолдама алды, деп Jambylinfo.kz
Жартылай финалда Данилина мен Крунич дуэті норвегиялық Ульрикке Эйкери мен жапониялық Эри Ходзумиді жеңді. Ойын нәтижесі – 6:7(5:7), 6:3, 7:5.
Финалда олар Диана Шнайдер/Мирра Андреева және Сара Эррани/Жасмин Паолини жұптарының жеңімпаздарымен кездеседі.
Анна Данилина үшін бұл — "Үлкен дулыға" санатындағы турнирлердегі үшінші финал. 2022 жылы ол Australian Open жарысында жұптық сында финалға шықса, 2023 жылы US Open турнирінде микст санатында чемпион атанған.