Головкин Назым Қызайбайды қола жүлдесімен құттықтады
Ол жазбасын желіде жариялады
Ұлттық Олимпиада комитетінің президенті Геннадий Головкин Парижде өтіп жатқан Олимпиада ойындарында қазақ боксшысы Назым Қызайбайды марапаттау рәсіміне қатысты, - деп хабарлайды Jambylinfo.kz
Ол бұл туралы жазбасын Instagram парақшасында жариялады.
Естеріңізге сала кетейік, қазақстандық боксшы Назым Қызайбай 50 келі салмақ дәрежесінде үшінші орынды еншіледі. Ол үшін Париждегі ойындар оның мансабындағы бірінші Олимпиада болды.
Марапаттау рәсімінен кейін Головкин оны қола медаль жеңіп алуымен құттықтады. Ол Қызайбайдың дебюттік Олимпиадаға қатысқанына қарамастан, «әлемдегі ең мықты спортшылардың бірі» екенін тағы бір мәрте дәлелдей алғанын атап өтті.