Орта салмақтағы айқас: Жәнібек өз елінде рингке шығады
Жәнібек Әлімханұлы мен франциялық қарсыласы Анауэль Нгамиссен арасындағы тартысты жекпе-жек елорданың көрнекті спорт нысандарының бірі — «Барыс Аренада» өтеді
Қазақстандық кәсіпқой боксшы Жәнібек Әлімханұлы орта салмақтағы WBO және IBF тұжырымдары бойынша әлем чемпионы атақтарын қорғауға дайын, - деп хабарлайды Jambylinfo.kz
Бұл жекпе-жек оның 2017 жылдан бергі өз еліндегі алғашқы өнер көрсетуі болмақ.
Жәнібек кәсіби рингте 16 жекпе-жек өткізіп, барлығында айқын басымдықпен жеңіске жеткен. Оның қарсыласы – Франциядан келген Анауэль Нгамиссен. Ол да осал емес: 14 кездесу өткізіп, барлығында жеңімпаз атанған.
Кештің басталуы сағат 17:00-ге жоспарланған. Бокс шоуын тікелей эфирде "Қазспорт" телеарнасы көрсетеді.