«Спорт қалай дамиды?». Шенеуніктер спортшылардың дайындығына бөлінген қаржыны қалтаға басқан
Жымқырылған қаражат көлемі 40 млннан асады
"Олимпиадалық емес түрлер бойынша спортты дамыту дирекциясы" мекемесінде бюджет қаражатын жүйелі түрде ұрлау фактісі анықталды, деп хабарлайды Jambylinfo.kz
Қаржылық мониторинг агенттігінің мәліметінше, 2021-2022 жылдар кезеңінде ҚММ лауазымды тұлғалары оқу-жаттығу жиындарын өткізуге бөлінген бюджеттік қаражатты жымқырған. Іс жүзінде жиындар өткізілмеді, жаттықтырушылар спортшылардың жүріп-тұруы және тамақтануы туралы жалған есептер тапсырды. Заңсыз әрекеттерден мемлекетке келтірілген залал сомасы 40 млн теңгеден асады.