Төрехан Сабырхан - әлем чемпионы
Қазақ боксшысы жастар арасында әлем чемпионы атанды
Төрехан Сабырхан жастар арасындағы әлем чемпионатының финалында кубалық Давид Эспиності жеңіп, чемпион атанды, деп хабарлайды Jambylinfo.kz.
Черногорияның Будва қаласында өтіп жатқан бокстан жастар арасындағы әлем чемпионатында Төрехан Сабырхан (67 келі) топ жарды.
Айта кетейік, жерлесіміз ширек финалда өзбекстандық Акбар Ахмадовты жеңсе, жартылай финалда қытайлық боксшыны қапыда қалдырған болатын.
Еске салайық, Төрехан Сабырхан бұған дейін төрт дүркін Азия чемпионы атанған.