WBC белбеуі бар қазақстандық боксшының келесі қарсыласы анықталды
WBC белбеуі бар қазақстандық боксшының келесі қарсыласы анықталды
Кәсіпқой бокста жеңілмеген қазақстандық боксшы Мадияр Әшкеев (14-0, 7 КО) шаршы алаңға желтоқсанда оралады.
Әшкеев шаршы алаңға 3 желтоқсанда Лос-Анджелес (АҚШ) қаласында Фредди Роучтің Wild Card Boxing Gym залында өтетін бокс кешінде шығады. Оның қарсыласы жеңілмеген америкалық боксшы Чарльз Конуэлл (13-0, 10 КО). Жекпе-жек он раундқа жоспарланып отыр. Кездесуді NBC арнасы тікелей эфирде көрсетеді.
Бастапқыда Әшкеев пен Конуэлл арасындағы кездесу 10 сәуірде өтуі керек болатын. Бірақ бұл бокс кеші коронавирусқа байланысты кейінге шегерілді.