Петропавл зауытының бұрынғы директоры 11 жылға сотталды
Ол кәсіпкерлерден «қамқорлығы» үшін пара алған
Петропавл ауыр машина жасау зауытының бас және атқарушы директорларына қатысты үкім шығарылды, деп хабарлайды Jambylinfo.kz
Деректерге сай, 2022 жылы зауыт Қорғаныс министрлігінен әскери техниканы жөндеуге тапсырыс алғаны анықталған. Оны орындау кезінде жеке кәсіпкермен жалпы сомасы 283,3 млн теңгеге қосалқы бөлшектер жеткізуге шарт жасалған.
Орындалған жұмыстар актілеріне кедергісіз қол қойғаны және шартты орындау кезінде жалпы қамқорлығы үшін бас директор атқарушы директор арқылы кәсіпкерден 100 мың АҚШ доллары (45 млн теңге) сомасында пара алған.