Қайырымдылық күніне орай арнайы іс-шара ұйымдастырылды
Іс-шараның негізгі мақсаты – адамгершілік пен мейірімділік құндылықтарын насихаттау, қоғамда қайырымдылық мәдениетін қалыптастыру.
Жамбыл облысы бойынша Қылмыстық-атқару жүйесі департаментіне қарасты №58 мекемесінде 15 Наурыз-Қайырымдылық күніне орай арнайы іс-шара ұйымдастырылды, деп хабарлайды Jambylinfo.kz
Шара барысында сотталған азаматтар қайырымдылықтың маңызы туралы әңгімелесіп, бір-біріне құрмет пен қолдау көрсету – адамдық қасиеттің басты белгісі екені айтылды. Сонымен қатар қатысушылар игі істер жасау арқылы қоғамға пайда келтіру әр адамның парызы екенін атап өтті.
Мекеме қызметкерлерінің айтуынша, мұндай тәрбиелік мәні бар іс-шаралар сотталған азаматтардың бойында мейірімділік, жанашырлық және жауапкершілік қасиеттерін қалыптастыруға ықпал етеді.
Іс-шара соңында егде жастағы сотталғандар мен мүгедектігі бар сотталған азаматтарға қолдау көрсету мақсатында Алғыс хаттар табысталып,Абай Құнанбайұлының Қара сөздер кітабынан
Адамгершілік, жақсылық жасау, бір-біріне көмектесу, мейірімді болу туралы терең ойлар жазылған үзінділер оқылып берілді.
Осындай игі бастамалар алдағы уақытта да жалғасын табады.