Таразда "Жаңару" күні 140 дана ағаш көшеті отырғызылды
«Наурызнама» онкүндігінің алтыншы күні Жаңару күні деп аталады. Бұл күн «өмірдің жаңаруын» бейнелейтін жаппай ағаш отырғызу шарасына арналады
Бүгін Тараз қаласы әкімдігінің ұйымдастыруымен «Жасыл желек жердің көркі» атты ағаш отырғызу акциясы өтті,- деп хабарлайды Jambylinfo.kz
Айшықты шараға қала әкімдігінің бөлімдері мен мекемелерінің қызметкерлері, «Жасыл-ел» еңбек жасақтары мен белсенді жастар қатысып, «Ұлы дала» (15) шағынауданы, Көшек батыр мен Қыз Жібек көшелерінің қиылысына 140 дана ағаш көшетін (қара ағаш, ясин, терек, катальпа ағаштары және т.б.) отырғызды.