«Заң және тәртіп»: жастар есірткіге қарсы акциялар өткізуде
Ескірткі – адам психикасына әсер етіп, тәуелділік тудырады.
Өкініштісі сол, адам тағдырына балта шабатын зиянды затқа құмартушылардың қатарында өскелең жастар да бар. Ел болашағына төнген қауіп-қатердің алдын алу мақсатында республикалық партиялар мен үкіметтік емес ұйымның Жамбыл облысындағы жергілікті филалдары, қоғам белсенділері және еріктілер түрлі есірткіге қарсы акцияларды аймақ көлемінде ұдайы ұйымдастыруда, деп хабарлайды Jambylinfo.kz
Дәл осы бағытта жыл басынан бері өңірде атқарылған іс-шаралар легін «AMANAT» партиясы Жамбыл облыстық филиалы жанындағы «Жастар Рухы» жастар қанатының төрағасы Ерғали Әбуғалидан сұрап көрдік.
Нақты сандарды сөйлетсек, «Жастар Рухы» жастар қанатының бастамасымен «Есірткіге жол жоқ» акциясы аясында өңірде жыл басынан бері 1 500-ден астам жасқа ақпараттық түсіндіру жұмыстары жүргізіліп, есірткіге қарсы көзқарас қалыптастыруға бағытталған жадынамалар таратылған. Сонымен қатар полиция қызметкерлерінің қатысуымен 7 ашық диалог алаңы ұйымдастырылып, жастар құқықтық жауапкершілік, қауіпсіздік, кибербуллинг және қоғамдағы құқықтық мәдениет туралы толыққанды ақпарат берілген.
Нұрсұлтан РАХЫМБАЙ