«Жаһанға мәлім – Жошы хан» атты танымдық сағат өтті
Іс-шараға орта оқыту орнының білімгерлері қатысты
Айтыскерлер және жыршы-термешілер орталығында «Жаһанға мәлім – Жошы хан» атты танымдық сағат өтті, деп хабарлайды Jambylinfo.kz
Іс-шара барысында Ш.Мұртаза атындағы Халықаралық Тараз инновациялық институтының доценті, Қазақстан Жазушылар Одағының мүшесі, Менеджмент академиясының профессоры, филология ғылымдарының кандидаты Меңдібай Әбілов Жошы хан туралы мағлұматтар беріп, Алтын Орданың құрылу тарихын айтты.
Сонымен қатар, Ш.Мұртаза атындағы Руханият және тарихтану орталығының бөлім меңгерушісі, Журналистер одағының мүшесі, тарихшы Асылжан Шайдильдаев өзі зерттеп жүрген Жошы хан туралы қызықты мәліметтерін жеткізді. Жошы ханның хорезмдік әскерлерге жасаған шабуылы және басқа да жорықта көрсеткен ерліктерін, әскери қабілеті туралы айтты.
Іс -шара соңында Тараз гуманитарлық техникалық коллежінің білімгерлері ойларында жүрген сұрақтарын қойып, жауаптарын алды.
Айта кетейік, Мемлекет басшысы Қасым-Жомарт Тоқаев биыл Жошы ұлысының 800 жылдығы ел көлемінде аталып өтілетінін және оның мемлекет тарихындағы маңызын атап өткен болатын