Жамбыл облысының дене шынықтыру және спорт басқармасы республика бойынша үздік басқарма атанды
Дзюдо, грек-рим күресі және бокс федерациялары жылдың үздіктері болды
Жамбыл облысының дене шынықтыру және спорт басқармасы республика бойынша үздік басқарма аталымына ие болды, деп хабарлайды Jambylinfo.kz
Тәуелсіздік мерекесіне орай қазақстандық спортшылар одағы 2024 жылдың қорытындысын шығарды. Салтанатты іс-шарада спорт саласын қолдап келе жатқан меценаттарға да сый-құрмет көрсетілді.
Мамандардың айтуынша, биыл отандық спортшылар үшін қажетті жағдай жасалды. Мәселен, жаттығу, жарыс кезінде жарақат алған саңлақтарды тегін емдеу қолға алынды. Бұдан бөлек, оларға әлеуметтік қолдау шаралары күшейтілді.
- Әрине, кемшіліктер бар. Мысалы, Токио Олимпиадасымен салыстырғанда алтын бар. Осы Елдос абыройын сақтады Қазақстанның. Келесі Олимпиадаға бүгіннен бастап жұмыс жасау керек. Президент айтқандай, «вертикаль власти» деген болған жоқ. Енді тапсырма берді, қазір мемлекеттік органдар орындап жатыр. Енді біз де өз тарапымыздан бар күшімізді саламыз,- деді Лондон Олимпиадасының чемпионы Серік Сәпиев