Жамбылдағы түзеу мекемесінде тәулігіне 600 жұп аяқ киім шығаратын цех ашылды
Осылайша облыстық прокуратураның қолдауымен сотталғандарды тұрақты жұмыспен қамтудың тағы бір жобасы жүзеге асты
Жамбыл облысындағы №25 түзеу мекемесінде былғары аяқ киім шығаратын цех ашылды, деп хабарлайды Jambylinfo.kz
Жеке кәсіпкер Бауыржан Теңізбаев 90 млн теңге қаржыға 500 шаршы метрден асатын шағын фабрика ашты.
Осылайша облыстық прокуратура сотталғандарды қолдау арқылы әлеуметтік ортаға қайта бейімдеудің тиімді жүйесін жүзеге асырмақ. Айта кетейік, аймақтағы 5 түзеу мекемесінде мыңға жуық жазасын өтеуші жұмыспен қамтылған.