Жамбылда жыл басынан бері экономикалық өсім 104,5 пайызды құрады – Ербол Қарашөкеев
Астанада Жамбыл облысы әкімінің қатысуымен брифинг өтіп жатыр
Жамбылда жыл басынан бері экономикалық өсім 104,5% пайызды құрады. Бұл туралы Жамбыл облысының әкімі Ербол Қарашөкеев орталық коммуникациялар алаңында өтіп жатқан брифингте айтты, деп жазады Jambylinfo.kz
Аймақ басшысының сөзінше, облыстағы экономикалық өсім 104,5 пайызды құраған.
Облыс экономикасындағы 19 пайыз үлес өнеркәсіп өндірісіне тиесілі. Ал, өңдеу өнеркәсібі секторының үлесі 65,4 пайыз. Облыс әкімінің сөзінше, жыл басынан бері 727,8 млрд теңгеге өнеркәсіп өнімі өндірілген.
Сонымен қатар 2030 жылға қарай тыңайтқыштардың премиум маркалары мен құндылығы жоғары өнімдерді жылына 1 млн тоннаға дейін өндіру жоспарланған. Бұл жобалар аясында өңірге 1 млрд АҚШ долларына дейін инвестиция тартылады.