85 жастағы қызылордалық қария 2 миллион ағаш еккен
Бектай Сүлейменов бағбандықпен 12 жасынан айналысады, деп хабарлайды jambylinfo.kz «Qamshy.kz»-ке сілтеме жасай отырып.
Қарт бағбан айналасын жасыл-желек қылып, ағаш отырғызғанда қасында әжеміз көмекші болып жүреді. Қазірге дейінгі еккен ағаштарының саны 2 миллионға жеткенін қария мақтанышпен айтады. «Қазір өзім баптап отырған бақта талдардың 20 түрі өсіп тұр. Оның ішінде жеміс ағаштары да бар. Жалпы саны 2 мың түптен асады. Тіпті тропикалық анар ағашынан жеміс алып отырмын. Тек тәсілін білу керек, ерінбеу керек» - дейді қарт бағбан. Бектай Сүлейменов аумағы үлкен бақты өзі күтіп, баптайды. Баққа су келіп тұрған жоқ, барлығын насос қондырғысымен суарады екен.