Ақмолада 1200 балаға арналған мектепте 4700 оқушы оқиды

Ақмола облысының Қосшы қаласындағы мектептердің бірінде білім ошағы 1200 орынға есептелгенімен, онда 4700 бала білім алуда. Кейбір мектеп оқушылары сабақтан кешкі 10-да қайтып келеді, деп хабарлайды AstanaTV. Қосшы кентіндегі мектеп оқушыларының ата-аналары төртінші жыл бойы мекемедегі толып жатқан балалардың мәселесін шешуді сұрап отыр. Бір орынға төрт оқушыдан келеді. «Бұл мектепте біздің балалар алты жылдан бері оқиды. Биыл бірінші, ең болмаса екінші ауысымға ауысамыз деп үміттендік. Бірақ өзгеріс жоқ. «Себебі бала саны көп, оқушы орны тапшы », – дейді алтыншы сынып оқушысының анасы Гүлзат Құлжанова. Ата-аналардың айтуынша, мұндай кестемен балалар жеткілікті білім алмайды, тіпті репетиторлар да көмектеспейді, өйткені балалар қатты шаршайды. Ата-аналар балалардың мектепте өткізетін уақытын оңтайландыру үшін кем дегенде біраз уақытқа орта пәндерді кестеден алып тастауды сұрайды. Бірақ мектеп басшылығы мұнымен келісе алмайды, өйткені оқу жоспары мен бағдарламасын қайта құру мүмкін емес. Бар үміт Лесная поляна шағын ауданында салынып жатқан жаңа мектепте. «Жағдай қиын. 4700 бала, 180 сынып. Бізге де қиын. Бізде 320 мұғалім бар. Біз барлық оқу жоспарын орындауға тырысамыз. Акт залында, кітапханада оқу кабинеттерін жасап жатырмыз», - дейді Қосшы кентіндегі № 2 орта мектеп директорының тәрбие ісі жөніндегі орынбасары Мұрат Хасенов. Алаңдаған ата-аналар Қосшы әкімдігінің білім бөліміне жүгінді. Қосшыдағы білім бөлімінің басшысы Қанат Ахметов бұл сұрақтардың барлығы білім басқармасымен келісіліп, бір-екі күннің ішінде ата-аналарға нақты жауап берілетінін жеткізді. Ал, білім басқармасы келесі жылы Лесная Полянада бірден екі мектеп – яғни, 1200 және 1500 оқушыға арналған білім ошағы салынатынын айтты. Дереккөз: http://ztb.kz