Ақтау әкімінің экс орынбасарына іздеу жарияланды
Мұндай ақпарат құқықтық статистика және арнайы есепке алу органдарының сайтында пайда болған.
Солтүстік Қазақстан облысы бойынша Экономикалық тергеу департаментінің бастамасымен сот Тимур Садуақасовқа іздеу жариялады.
Ол “Тиолайн” компаниясының ісі бойынша күдікті болып отыр. Бұл компанияның атқарушы директоры мен оның ұлына заңсыз кәсіпкерлікпен айналысты және жер қойнауын өз бетінше пайдаланған деген айып тағылған. Ал Тимур Садуақасов пара беруге итермелеу және алаяқтық жасаған деп айыпталды.
Еске салсақ, Тимур Садуақасов 2019 жылдың 18 ақпанында Ақтау қаласы әкімінің орынбасары болып тағайындалған еді.