Жапондар неге ұзақ өмір сүреді?

0 82

Ақ жүректен ақ тілек атқақтап шыққанда, «Жамбылдың жасын берсін» деп ұзақ ғұмыр тілейміз. Ұзақ ғұмыр кешудің құпиясы қандай?
Мысалы, жапон халқы әлемнің ғасыр жасайтын тұрғыны атанған. Қазіргі кезде, 50 мыңнан астам жапон екінші жүзжылдықта өмір сүріп жатыр. Олардың жүз жасаудың жасаудың сыры неде екен? Ендігі 15 жылда бұл елде миллиондаған жапон ғасырлық өмір сүретін болады. Бір қызығы, осынша ұзақ ғұмыр кешу саны жағынан басқа елде тіркелмеген.
Мұның сыры неде деп сұраса, көпшілік «олар теңіз өнімдері мен балдырларды жейді» деп жауап береді. Теңіз жағасында өмір сүретін, үнемі теңіз өнімдерін тұтынатын ел көп, дегенмен халқының жас мөлшері аз. Демек, теңіз шаяндары жапондарға ұзақ ғұмыр сыйламайды. Әлде олар сиқырлы сусын (элексир) іше ме екен?
Мұның құпиясы мынада: жапондар ешқашан бір-бірінің де, өзінің де көңіл-күйін түсіргісі келмейді. Олар осындай құндылықпен әлем халықтарынан ерекшеленіп тұрады.

Олардың күріш егетін жерлері де аз, табиғи байлықтары да жоқтың қасы. Осындай экономикалық жағдайға қарамастан, олар рухани күшке бай. Сонымен қатар жапондар әлемдегі ең бай ұлт саналады. Бұл елдегі орташа айлық үш жарым мың АҚШ долларын құрайды.
Елдің осындай жетістікке жетуінің басты сыры мынада болса керек: жапондар ең алдымен өз ойларын тізгіндеуді үйренген. Олар теріс ойлар адамның көңіл-күйін түсіріп қана қоймай, денсаулыққа, болашаққа кері әсер етеді деп түсінеді, сол себепті сөздік қорларынан «жоқ» деген сөзді алып тастаған.
Бұл елдің жетідегі баласынан жетпістегі қартына дейін теріс пікірден, кері ойдан бойларын аулақ ұстайды. Әлемнің кей тұрғындары болашақтың осы ойдан басталатынын ұғына бермейді: ой –болашағыңыздың дәнегі, ойыңызды қалай «суарсаңыз», болашағыңыз да солай өседі. Әр нәрсенің түбі сайлы болуы үшін басы байлы болуы керек екен.
Демек, ұзақ ғұмыр кешемін десеңіз, теріс ойдан ада болғаныңыз абзал.

 

Г.Жарқынбекқызы

Leave A Reply

Your email address will not be published.