Жапония премьер-министрі Синдзо Абэнің үкіметі толық құрамда отставкаға кетті.
Негізгі лауазымдардың көпшілігі Синдзо Абэ үкіметінің құрамына кіретін министрлерде қалуы мүмкін, дегенмен кейбір өзгерістер болуы ықтимал.
Либерал-демократиялық партияның жаңа жетекшісі Есихидэ Суга сәрсенбіде Жапонияның премьер-министрі қызметіне кіріседі.
Парламент Суганы ресми түрде күннің екінші жартысында өтетін кезектен тыс сессияда премьер-министр етіп сайлауы мүмкін. Осыдан кейін ол жаңа министрлер кабинетін құрады.
Синдзо Абэ 28 тамызда күтпеген жерден созылмалы ауруының өршуіне байланысты қызметінен кететінін айтты.
