Қандай жағдайда банктік шоттарыңыз бұғатталуы мүмкін
Банк картасы дүкенде төлем жасау кезінде немесе ақша аудармақ болған сәтте күтпеген жерден істемей қалса, не істеу керек? Қандай жағдайда банк картаны бұғаттауға құқылы және қаражатқа барынша тез қол жеткізу үшін қандай қадамдар жасау қажет?
Әдетте, картаның бұғатталуы бірнеше негізгі себептерге байланысты болады, деп хабарлайды Jambylinfo.kz fingramota.kz-ке сілтеме жасап.
Оларға кредит бойынша мерзімі өткен берешектің болуы немесе сот шешімдері, ірі немесе жиі ақша аударымдары, әсіресе шетелден келетін ақша аударымдары; ПИН-кодты бірнеше рет қате енгізу; картаның қолданыс мерзімінің өтуі; сондай-ақ банктің жұмысындағы техникалық ақаулар жатады.
Бұғаттау әрқашан «сізді ақшаңыздан айыру» әрекеті емес екенін түсіну маңызды. Көп жағдайда банк қауіпсіздік мақсатында немесе мемлекеттік органдардың талаптарын орындау үшін әрекет етеді, ал сіздің міндетіңіз — оның себебін тез біліп, шектеулерді алып тастау.
Бұғаттау мемлекеттің талаптарына байланысты болған кезде
Бұғаттаудың маңызды себептерінің бірі - мемлекеттік органдардың ресми шешімдерін орындау болып табылады. Банк мұндай өкімдерді, егер олар:
сот шешімі бойынша;
сот орындаушысының қаулысы негізінде;
егер алимент, салық, айыппұл немесе үшінші тұлғалар алдындағы міндеттемелер бойынша берешектер және тиісті атқарушылық құжаттар болғанда заңға сәйкес ресімделген болса, орындауға міндетті.
Бұл дегеніміз, сіз күдікті ештеңе жасамаған болсаңыз да — шот пен картаңыз бұғатталуы мүмкін, себебі басқа мемлекеттік орган (мысалы, сот орындаушыларының қызметі немесе салық органы) банкке қаражатқа тыйым салу туралы талап қойған.
Мұндай жағдайларда бұғаттау қанша уақытқа созылады?
Бұғаттау міндеттемелер орындалғанға дейін немесе бұғаттау туралы шешім жойылғанға дейін. Мысалы, егер шот сот орындаушысының ісі бойынша бұғатталса, шектеулер борышты өтегеннен немесе бұғаттау ресми түрде алынғаннан кейін ғана алып тасталады. Салық берешегіне ұқсас — төлем жүргізілгеннен кейін және Мемлекеттік кірістер комитеті расталғаннан кейін.