"Қатесін уақыт өте түсінеді": Мөлдір Әуелбекова бұрынғы күйеуінің сыйлық сыйлағанын айтты

Әнші Мөлдір Әуелбекова бұрынғы күйеуінің өзіне сыйлық тарту еткенін айтты. Өнер иесі Instagram парақшасында сыйға алған құшақ толы гүл мен бренд білезікті көрсетті, деп жазады Жамбылинфо  KAZ.NUR.KZ сайтына сілтеме жасап. "Мені ұл-қыздың анасы деп құрметтейді мыс... Жалпы, әр адам өз қатесін уақыт өте түсінеді. Біреу - бір жылда, біреу - он жылдан кейін. Бастысы, қатені түсінгеннен кейін оны толық мойындау керек және болашақта қайталамау қажет", - деп жазды Әуелбекова. Видеода әншінің көліктен құшақ толы гүлмен түскенін көруге болады. "Гүлді және Cartier браслетті бұрынғы күйеуім салып жіберді", - деп күлді әнші. Айта кетейік, осыған дейін Мөлдір Әуелбекова сәтсіз аяқталған екінші некесі туралы бар шындықты баяндап берген болатын. Өнер иесі бүгінгі таңда екі некесінен екі бала тәрбиелеп отыр. Дереккөз: https://kaz.nur.kz/showbiz/2046773-qatesin-uaqyt-ote-tusinedi-moldir-auelbekova-buryngy-kuieuinin-syilyq-syilaganyn-aitty-foto-video/