Атырау облысындағы Теңіз кен орнында екі қызметкер күкіртсутектен уланды
Атырау облысындағы «Теңізшевройл» (ТШО) компаниясына тиесілі нысандардың бірінде күкіртсутегі бар газдың ағуы орын алды.
Соның салдарынан екі қызметкер улану белгілерімен ауруханаға жатқызылды, - деп хабарлайды Jambylinfo.kz Қазақстанның Мұнай-газ кеңесінің баспасөз қызметіне сілтеме жасап.
Қауіпсіздікке төнген қатерге байланысты нысанның барлық қызметкерлері дереу эвакуацияланды.
Апаттың салдары жойылғаннан кейін, құрылғылар тексерістен өтті, қызметкерлер өз жұмыс орындарына оралып, қондырғы қайта іске қосылды.