Қазақстанда 5 сәуірден бастап мопедтерді тіркемегендерге айыппұл салынады
Осы мерзімнен кейін мопедтерді басқару заңсыз болып саналады, ал ереже бұзушыларға 39 320 теңге (10 АЕК) айыппұл салынады
Бұл туралы Ішкі істер министрлігінің ресми өкілі Шыңғыс Алекешев мәлімдеді, деп хабарлайды Jambylinfo.kz
Мопедті басқару үшін А1 санатты жүргізуші куәлігі болуы шарт. Сонымен қатар, А немесе В санатындағы куәліктермен де мопедті жүргізуге болады.
Мопедті тіркеу үшін азаматтар жеке куәлік, көлік құралының техникалық құжаты немесе техникалық сипаттамалар туралы мәлімет ұсынуы қажет. Сондай-ақ, мемлекеттік баждарды төлеу міндетті.