Қазақстанда Отбасы күні аталып өтіліп жатыр
Айтулы күнге орай «Отбасым – менің байлығым» акциясы басталды
Қыркүйектің екінші жексенбісінде елімізде Отбасы күні тойланады, деп хабарлайды Jambylinfo.kz.
Мәдениет және ақпарат министрлігінің мәліметінше, елімізде отбасы күні 2013 жылы бекітілген.
Атаулы күннің негізгі идеясы – ұлттық және отбасылық құндылықтарды дәріптеу, отбасы мен неке ұғымдарына сүйіспеншілік тудыру.
«Биыл мерекенің жаңа тұжырымдамасы бекітілді. 2-8 қыркүйек аралығында Отбасы күніне арналған апталық өтті. Аптаның әр күні отбасылық дәстүрлер, некені жоспарлау, ұрпақ саулығы, саналы ата-ана болу, отбасылық демалыс және басқа да тақырыптарға арналды. Республика бойынша барлығы 1000-нан астам іс-шара өткізіліп, 1 миллион адам қамтылды. Бүгін қазақстандықтар «Отбасым – менің байлығым» акциясын бастады.«Әлеуметтік желіде отбасыңыздың суретін жариялау арқылы акцияға қосылуға шақырамыз», - деп мәлімдеді министрліктің баспасөз қызметінен.