Қазақстандық дзюдошылар Ташкентте өтіп жатқан Grand Slam турнирінің алғашқы күнін жүлдесіз аяқтады
Барлық жекпе-жек қазақстандық спортшылар үшін турнирдегі алғашқы белдесулері болды.
28 ақпанда Ташкентте (Өзбекстан) дзюдодан Grand Slam халықаралық турнирі басталды, - деп хабарлайды Jambylinfo.kz
Өкінішке қарай Қазақстан құрамасының ешбір спортшысы финалдық кезеңге өте алмады. Турнирдің алғашқы күнінде белдескен барлық дзюдошы жарысты ерте аяқтады.
Әйелдер арасында 48 келіге дейінгі салмақта Ғалия Тынбаева Ахлия Муминоваға (Тәжікстан) жол берді, ал Диана Букреева Сабина Гиллязоваға (Ресей) есе жіберді.
52 келіге дейінгі салмақта Құндыз Жылқыбай Мария Комасқа (Испания) жеңілді. Ал 57 келі салмақтағы Бақыт Құсақбаева Ирина Зуевадан (Ресей) ұтылды.