Қазақстанның көп бөлігінде ауа райына байланысты жолдар жабылды
Қазақстанның бірқатар облыстарында қатты аяз болса, біраз аймақта боран соғып тұр
Ауа райының қолайсыздығына байланысты бүгін таңертең Қазақстанның барлық өңірінде дерлік бірқатар жол учаскелері жабылды. Бұл туралы «ҚазАвтоЖол» компаниясының баспасөз қызметі, деп хабарлайды jambylinfo.kz.
Дәлірек айтсақ, 16 ақпан сағат 07:00-дегі мәлімет бойынша, 16 облыста республикалық маңызы бар автожолдардың 100 учаскесінде көлік қозғалысына шектеу енген.
Соның ішінде Абай облысында - 9 участок, Ақмола облысында - 27 участок, Ақтөбе облысында – 5 участок, Алматы облысында - 1 участок, Жамбыл облысында 1 участок жабық. Сонымен қатар, Атырау, Шығыс Қазақстан, Батыс Қазақстан, Жетісу, Қарағанды, Қостанай, Қызылорда, Павлодар, СҚО, Түркістан, Ұлытау облыстарында жолдар жабық.