Белгілі кардиохирург Сейітхан Жошыбаев өз таңдауын жасады
Бүгін, 15 наурыз – жалпыұлттық рефендумға қоғамдағы түрлі саланың өкілдері белсенді қатысып жатыр.
Солардың қатарында республикаға танымал көрнекті кардиохирург Сейітхан Жошыбаев та бар. Әйгілі профессордың айтуынша, бұл күні медицина саласының мамандары да маңызды саяси науқаннан шет қалмай, өз таңдауларын жасаған.
Айта кетейік, өңірдегі Т.Рысқұлов ауданында дүниеге келген академик басшылық ететін орталықта бүгінгі таңда 170-тан астам адам қызмет етеді. Оның ішінде 30-ға жуық білікті дәрігерлер бар. Жаңа Конституция жобасында денсаулық сақтау саласына айрықша мән берілгенін атап өткен С.Жошыбаев биылғы жылы Тараз қаласында академия ашуды көздеп отырғанын жеткізді.
Ал №50 учаскелік референдум комиссияның төрағасы Салтанат Төлеудің сөзінше, мұнда референдум барысы қалыпты өтіп жатыр сондай-ақ қазірге дейін заңға қайшы әрекеттер орын алмаған. Оның айтуынша, дәл қазір қоғамның белсенділігі мен азаматтардың жауапкершілігі артқан. Бастысы, референдум барысының ашықтығы барынша сақталып отыр екен.