Бірнеше өңірде ауа райының қолайсыздығына байланысты жолдар жабылды
Бұрқасын мен көру мүмкіндігінің шектелуіне байланысты республикалық маңызы бар 4 автожол учаскесі уақытша жабылды
Бұл туралы Төтенше жағдайлар министрлігінің баспасөз қызметі мәлімдеді, - деп хабарлайды Jambylinfo.kz
Ауа райының бұзылуына байланысты келесі республикалық автожолдарда көліктің барлық түрі қозғалысына шектеу қойылады. Атап айтқанда:
Жетісу облысы
Үшарал – Достық – ҚХР шекарасы (Көктұма ауылы – Достық станциясы)
Алматы – Талдықорған – Өскемен – Шемонаиха – РФ шекарасы (Үшарал қаласы – Абай облысы аралығы)
Абай облысы
Қарағанды – Аягөз – Тарбағатай – Бұғаз (Қайнар ауылы – Баршатас ауылы учаскесі)
Алматы – Талдықорған – Өскемен – Шемонаиха – шекарасы (Жетісу облысы – Таскескен ауылы аралығы)
Төтенше жағдайлардың алдын алу үшін «Дармен» мобильді қосымшасы арқылы халыққа ескерту хабарламалары жіберілді.
Сапарға шығар алдында жол жағдайын тексеріңіз!