Депутаттар Жеңіс парадына дайындық барысымен танысты
Парад Жеңістің 80 жылдығына орай Астанада өтеді.
Мәжіліс депутаттары Ұлы Отан соғысындағы Жеңістің 80 жылдығына арналған әскери шеруге дайындықты көру үшін Астанадағы далалық лагерьге барды, - деп хабарлайды Jambylinfo.kz
Кездесуге Айдос Сарым, Ермұрат Бапи, Болат Керімбек, Максим Рожин және Олжас Құспеков қатысты. Олар парадқа қатысатын әскери қызметшілермен жүздесіп, тұрмыстық жағдайды тексерді.
Сондай-ақ парадқа қатысатын қарулы күштердің әртүрлі түрлерінің әскери киім үлгілерімен танысты.