Димаш Құдайберген мексикалық жанкүйерлерінің шақыртуын қабыл алды

Әнші Димаш Құдайберген Латын Америкасында концерт өткізуі мүмкін. Бұл туралы өнерпаз әлеуметтік желідегі парақшасында жазды. «Латын Америкасындағы жанкүйерлеріме, Мексикадағы жанкүйерлеріме алғысым шексіз. Қала бойынша 600-ге жуық экран арқылы жасаған шақыртуларыңызды қабыл алдым. Бұйырса, сіздер жаққа да ат басын бұрармын. Рахмет!» - деп жазды әнші Instagram бетінде. Бұған дейін хабарлағанымыздай, Мехикодағы метроның медиафасадтарында Димаш Құдайбергеннің Fly Away әніне түсірілген видеосы жарияланды. Ролик апта бойы сағат сайын 576 экранда көрсетілді. Дереккөз: Қазақпарат сайтынан