Елімізде Астананың атын арқалаған 24 азамат бар
Бұл туралы Ұлттық статистика бюросы жариялады, деп хабарлайды Jambylinfo.kz
Елорданың құрметіне қойылған ерекше есім иелерін Қазақстанның барлық қалаларынан кездестіруге болады. Мәселен, Астана қаласының перзентханасында дүниеге келген тұңғыштарына тараздық жұп «Гүластана» деп есім берген. Себебі өмірге бала алып келу қиындығына душар болған жас ана, астаналық дәрігерлердің атсалысуымен аман қалған. Сөйтіп Астана қаласының әрі астаналық дәрігерлердің құрметіне дүниеге келген қызына Гүластана деген есім берген. Гүластана қазір 15 жаста.
Сондай-ақ Астана атауын қамтитын өзге де есімдер бар. Олар - Астанабек, Астанадин, Астанай, Астанақұл, Астанали, Астанахан, Астанат, Ерастанахан, Нұрастана, Саммидастана, Элин Астана, Ару-Астана.