Өңірлерде мүгедек жандарды жұмыспен қамту деңгейі 50%-ға да жетпейді
Еңбек және халықты әлеуметтік қорғау министрі Светлана Жақыпова мүгедек жандарды жұмыспен қамту мәселелерін көтерді
1 қарашадағы мәлімет бойынша мүгедектігі бар адамдар арасында 148 мың адам немесе еңбекке қабілетті адамдардың 39%-ы жұмыспен қамтылған. Бұл ретте өңірлер бойынша жұмыспен қамту деңгейі 50%-ға жетпейді деп хабарлайды Jambylinfo.kz
Жұмыспен қамту салалары бойынша ғылыми қызмет, мемлекеттік басқару, білім беру және сауда, денсаулық сақтау көш бастап тұр.
«Кәсіптер бойынша мүгедектігі бар адамдардың 21%-ы кәсіби мамандар, 19%-ы біліктілігі жоқ қызметкерлер, 13%-ы техник-мамандар, 11%-ы басшылар мен мемлекеттік қызметшілер; қызмет көрсету, сату саласында жұмыс істейтін қызметкерлер»,- деді Еңбек және халықты әлеуметтік қорғау министрі Светлана Жақыпова.