Кәріз жүйесіне қызмет көрсету кезінде үш адам қаза тапты
Шымкент аудандық пайдалану бөлімінің жұмысшысы кәріз жүйесіне қызмет көрсету кезінде құдыққа құлап, көмекке келген төрт адам жағдайы нашарлаған. Кәріз газымен улану салдарынан үш адам сол жерде қаза тапты, – деп хабарлайды Jambylinfo.kz.
Арыс қаласындағы әскери бөлім аумағында кәріз жүйесіне қызмет көрсету мен тазалау кезінде орын алған оқыс оқиға барысында тағы бір жұмысшы мен әскери қызметші Арыс қаласының ауруханасына жеткізілген. Қазіргі таңда олардың жағдайы тұрақты ауыр деп бағаланып отыр. Қорғаныс министрлігінің басшылығы мен Қарулы күштердің жеке құрамы қаза тапқандардың туыстары мен жақындарына қайғысына ортақтасып көңіл айтады. Олардың отбасына бүкіл қажетті көмек көрсетіледі.