Көшпенділер ойындарының жабылу рәсімі көрерменсіз өтеді
Бір аптаға созылған байрақты бәсекеге өз мәресіне жетіп қалды
Бүгін Астанада – V Дүниежүзілік көшпенділер ойындарының жабылу салтанаты көрермендердің қатысуынсыз өтеді, деп хабарлайды Jambylinfo.kz
Ұйымдастырушылар, мұның себебін бюджеттің қысқартылуымен түсіндірді. Сондықтан салтанатты шара хаттамалық форматта көрерменсіз тек спортшылардың қатысуымен өтеді.
Сондай-ақ, ұйымдастырушылар дүбірлі доданың жабылу салтанатына билеттердің сатылмайтынын айтып, халықты алаяқтардың әрекетінен сақ болуды ескертті.
Ал екі жылда бір өтетін Көшпенділер ойындарының жабылу рәсімі сағат 16:00-де «Qazaqstan» арнасында тікелей эфирде көрсетіледі.