Ұлытауда шахта опырылып, 7 адам үйінді астында қалды
Оқиға Жаңаарқа ауданындағы "Қазақмыс" компаниясына қарасты "Жомарт" кенішінде орын алған
640 метр тереңдікте тау массасы опырылып, үйінді астында 7 адам байланыссыз қалған, - деп хабарлайды Jambylinfo.kz ақпараттық порталы Tөтенше жағдайлар министрлігіне сілтеме жасап.
Қазіргі уақытта "Серіктес" АСС" ЖШС-нің құтқарушы бөлімі авариялық-құтқару жұмыстарын жүргізуде.
"Оқиға орнына шұғыл түрде Ұлытау облысы ТЖД және Қарағанды облысы ТЖД күштері мен құралдары, оның ішінде кинологиялық есеп, Апаттар медицинасы орталығының медициналық қызметкерлері және Қазақстан ТЖМ-ның психологтары аттанды", делінген ТЖМ хабарламасында.
Оқиға орнында ТМН-ның және облыстық ТЖД-ның шұғыл штабы құрылды.
ТЖМ шұғыл байланыс желісін ұйымдастырды: +7 (7271) 55-96-21.
Оқиғаның мән-жайы анықталу үстінде.