Нью-Йорктегі Таймс-сквер алаңында тарауық намазы оқылды

Оразаның алғашқы аптасында алаңға мыңға жуық мұсылмандар жиналған. Құптан және тарауық намаздарын Құран қарилары Файсал Латиф пен Фарадж Хасан өткізіп жатыр. Дегенмен бұл дәстүр жыл сайын жалғасып келеді. Өткен жылы да АҚШ-та жүзге тарта адам намаз оқыған еді. Айта кетейік, шетелдерде Рамазан айына айрықша мән беруде. Осыған дейін Лондонда әйгілі көшелердің бірі қасиетті айдың келуіне орай безендеріліп, жарық шамдар орнатылған еді.