Оқушыларды гимназияға қабылдау тәртібі өзгерді
Бұл өзгеріс көпбалалы отбасыдан шыққан балаларға қатысты болып отыр
Елімізде көпбалалы отбасылардан шыққан балалар республика бойынша мамандандырылған мектеп-гимназияларға жеңілдетілген тәртіппен қабылдана бастайды, деп хабарлайды Jambylinfo.kz.
24 kz- тің жазуынша,
Анасы «Алтын» және «Күміс» алқа иегері атанған жанұялардың оқушылары мектепке қабылдау туралы ережеде әлеуметтік осал топ санатына қосылды.
Талапқа сай бұл санат мектеп-гимназиялардағы оқушылардың 15%-ін құрауы тиіс.
Айта кетейік, жуырда шымкенттік көпбалалы ана қызының гимназияға конкурссыз қабылданбай қалғанын жеткізген еді. Шағымға Омбудсмен үн қатып, Оқу-ағарту министрлігі типтік ережеге тиісті өзгеріс енгізді.