Қордай оқиғасы бойынша сот үкімі шықты

Бүгін № 2 Тараз қалалық сотында журналистер Қордай ісі бойынша сот процесіне онлайн қатысып, оқиға орнынан ақпарат таратуда. Дәл қазір Қордай оқиғасына байланысты 51 айыпталушыға сот үкімі оқылды. Сотта 51 адамға айып тағылды. Бір адам кінәсі дәлелденбегендіктен ақталып шықты. 19 адам бес жылдан 17 жылға дейін бас бостандығынан айыру түріндегі жаза алды. 31 адам келтірілген залалды өтегендіктен бес жылдан бір жылға дейінгі шартты мерзімге сотталды.