Павлодар облысындағы барлық мектеп пен колледж қашықтан оқиды
Облыста төтенше жағдай жариялануы мүмкін.
Павлодарда өңірінде 3 адам зардап шегіп, 1 адам ауыр жарақатынан қайтыс болды деп хабарлайды Jambylinfo.kz
Білім басқармасы қолайсыз ауа райына байланысты 8 қараша күні I ауысымдағы 0-9 сынып оқушыларын, колледждің 1-2 курс студенттерін қашықтан оқыту форматына ауыстырды.
Қала, аудандар әкімдіктеріне жедел түрде Төтенше жағдайлар жөніндегі комиссиялардың отырыстарын өткізу және келтірілген залалды бағалау мен зардап шеккен нысандарды қалпына келтіру үшін табиғи сипаттағы жергілікті ауқымдағы ТЖ жариялау туралы қажетті шешімдер қабылдау тапсырылды.
6-7 қарашада Павлодар облысы аумағында екпіні 28-30 м/с дейін жететін дауыл соғып, 12 әлеуметтік нысан мен әкімшілік ғимараттың, 34 тұрғын үйдің шатыры мен қасбетіне зақым келген. Электр желілері өшкен.