Павлодарда жаяу жүргінші жолағында екі адамды көлік қағып кетті

«24 қараша сағат 07:20-да Павлодарда Солтүстік өндіріс аймағы Инженерия орталығы аялдамасына жақын жерде Volkswagen Golf автомобилі 62 жастағы ер адамды қағып кетті. Жаяу жүргінші белгіленбеген жерден жолды кесіп өтпек болған», - деді Павлодар облыстық полиция департаментінен. Ведомство мәліметінше, көлік адамды қағып кеткеннен кейін оқиға орнынан қашып кеткен. Жаяу жүргінші түрлі жарақатпен ауруханаға жеткізілді. «Полицейлер адам қағып кеткен көлікті анықтау үшін жедел-іздестіру шараларын жүргізді. «Тосқауыл» жоспары енгізіліп, полиция күдіктіні ұстады», - деді ПД-дан. Осы факті бойынша ҚР ҚК 345-бабы 1-бөлігі бойынша сотқа дейінгі тергеу жұмыстары жүріп жатыр. Көлік айыппұл тұрағына қойылды. «4 желтоқсан сағат 17:00-де Солтүстік өндіріс аймағы көшесінде Audi 100 көлігінің 45 жастағы жүргізушісі 38 және 39 жылғы екі жаяу жүргіншіні қағып кетті. Олар бағдаршамы жоқ жаяу жүргінші жолағынан өтіп бара жатқан», - деді құқық қорғау органдары тағы бір жағдай туралы. Зардап шеккендер түрлі жарақатпен ауруханаға жеткізілді. Департаменттің мәліметінше, автокөлік мамандандырылған айыппұл тұрағына қойылды. Қазір тергеу жүріп жатыр.