"Сүйінші хабар күтіп отырмыз": Ләйлә Сұлтанқызы үлкен қуанышы туралы сыр шертті
Ол өзі жүргізетін бағдарлама арқылы 31 әйелдің сәби сүюіне ықпал еткен
Ләйлә Сұлтанқызы «Ана болғым келеді» жобасының соңғы бөлімі эфирге қашан шығатынын айтты, – деп хабарлайды Jambylinfo.kz.
Ол өзі жүргізген бағдарлама арқылы 31 әйелдің сәби сүюіне ықпал еткенін және 10 пациенттен сүйінші хабар күтіп отырғанын жеткізді.
Тележүргізуші басқа да әйелдер аталған жоба арқылы сәбилі бола алатынын атап өткен.
Сондай-ақ ол ертең «Ана болғым келеді» хабарының соңғы бөлімі шыққанымен, «Mariyam» қайырымдылық қоры жұмысын әрі қарай жалғастыра беретінін жазған.
Айта кетейік, көптен бері балалы бола алмай жүргендер ресми сайтқа (mariyamfund.kz) кіріп, анкета толтыруға тиіс. Қорға келген әр хат қамқоршылық кеңесінің отырысында қаралып, талқыланады.