"Себепші – Садраддин": Ләйлә Сұлтанқызы қордайлық қыздың арманын орындады

Журналистің идеясын жүзеге асыруға себепкер болған әнші – Садраддин. “Сәті түсіп тұр ғой. Жаратқан бәрін өзі реттеп қойды. Астанада өткен қайырымдылық кеште қордайлық Сезім деген қызбен танысып едім. Өскенде әнші болғысы келеді екен. Сүйікті әншісі – Садраддин. Жолығып, танысқысы келетінін айтып қалды. Жолыма кездескенде осы туралы әнші ініме айтамын деп жүр едім. Сәтін салып үйге өзі келе қалды. Астанада өтетін концертіне шақыру қағазын және бір сөмке сыйлығы да бар. Шақыру қағазын алып, сыйлық толы сөмкені Сезімге жеткізуді ойладым. Әр баланың жүрегіндегі ақ арманы алысқа апаратынына сенемін. Тек адаспаса екен”, – дейді тележүргізуші. Сондай-ақ журналистің анасы әншіге бата беріп, алда өтетін концертіне сәттілік тіледі. Ал сыйлық Сезімге жеткен көрінеді. “Сыйлықты жіберген Ләйлә ханымға рахмет! Садраддин, сіздің әндеріңізді сүйіп тыңдаймын. Әнші болғым келеді”, – деп сәлемдемені қабылдап алды Сезім.