Шымкент әкімінің орынбасары Руслан Берденовты әкімдік алдында атып кеткен
Оқиға кешкі 20:30 шамасында қалалық әкімдік маңында орын алған.
Жуырда ғана тағайындалған Шымкент қаласы әкімінің орынбасары Руслан Берденовті 1994 жылы туған азамат Ж.Е. үш жерден атып кеткен,- деп хабарлайды Jambylinfo.kz ақпараттық агенттігі YEDILOV ONLINE телеграм арнасына сілтеме жасап.
Оқ жарақаты "Сайга-12" маркалы қарудан болған. Нәтижесінде шенеуніктің оң жақ саны мен иығы жараланған. Дәл қазір Берденовке ота жасалып жатыр.
Еске салсақ, Берденов ақпан айының соңында Шымкент қаласы әкімінің орынбасары қызметіне тағайындалған болатын.