Трамп Ақ үйде ауызашар берді
АҚШ президенті Дональд Трамп Ақ үйде ораза ұстаушыларға ауызашар беріп, мұсылман қауымымен кездесті.
Жиын 27 наурыз, бейсенбі күні өтті. Кешкі ас кезінде Трамп президенттік сайлауда өзін қолдаған "жүздеген мың америкалық мұсылманға" алғыс айтты, - деп хабарлайды Jambylinfo.kz ақпараттық порталы ABC News-ке сілтеме жасап.
Сонымен қатар Таяу Шығыстағы жағдай туралы айта келе, Трамп өзінің әкімшілігі тарихи Авраам келісімдеріне сүйене отырып, аймақта тұрақты бейбітшілік орнату үшін үздіксіз дипломатиялық жұмыстар жүргізіп жатқанын атап өтті.
Мұнымен қоса Трамп өзінің басты мақсаты – барша адам үшін жарқын болашақ қалыптастыру екенін жеткізді.
Айта кетейік, бұған дейін Трамп барша мұсылманды қасиетті Рамазан айының басталуымен құттықтап, оның әкімшілігі діни бостандықты қорғау жөніндегі ұстанымын тағы да растайтынын мәлімдеген болатын.
Еске сала кетейік, 2025 жылы мұсылмандар үшін қасиетті Рамазан айы 1 наурызда басталды.