Түркістан, Жамбыл және Маңғыстауда 18-ге толмай сәбилі болған қыздардың саны бәрінен көп

0 15

Жасөспірімдер арасында түсік жасау азайды, деп хабарлайды ҚазАқпарат Ұлттық статистика бюросына сілтеме жасап.

2018 жылы 15 жасқа дейінгі түсік жасатқан жасөспірімдер саны 27 болса, 2021 жылы бұл көрсеткіш 15-ке дейін төмендеді.

15 жастан 18 жасқа дейінгі жасөспірімдер арасындағы түсік саны шамалы кеміп отыр, 2020 жылы 1122 жағдай болса, 2021 жылы – 1094.

Сонымен қатар жасөспірім қыздардың туу көрсеткіші жылдан жылға төмендеп келеді.

2021 жылы 15 пен 18 жас аралығындағы қыздар арасында бұл көрсеткіш 1000 қызға шаққанда 23,8 жағдайды құраған, 2015 жылмен салыстырғанда бұл 7,2 жағдайға аз.

Өңірлер бөлінісінде ең жоғары туу көрсеткіші Түркістан (36,3), Маңғыстау (36,2) және Жамбыл (34,3) облыстарында байқалады.

Жасөспірімдер арасында ең төменгі туу көрсеткіші Алматы (11,5) мен Астана (12,8) қалаларында.

Leave A Reply

Your email address will not be published.