ТҮЗЕУ МЕКЕМЕСІНДЕ КІТАПХАНА АШЫЛДЫ

0 86

Жамбыл облысы бойынша Қылмыстық атқару жүйесі департаментіне қарастыЖД-158/4 мекемесінде сотталғандарға арналған кітапхана ашылды. Мұнда жазасын өтеушілер өздерін қызықтырған әдебиеттерді оқып, сауаттарын арттыруларына болады. Кітапханада 12192 кітап қоры бар. Дәл осы күні түзеу мекемесінде Ар-рахман Ар-рахим мешітінің имамы А. Ембергенов және мекеме жасақтарының тәрбиешілер кеңесі сотталғандармен түсіндірме жұмыстарын жүргізді. Нақтырақ айтқанда, Қылмыстқ атқару кодексінің 104-бабы, 2бөлігі, 3тармағы және Қазақстан Республикасы ІІМ-нің 17.11.2014 жылғы 819 бұйрығының2тарауы, 10-тармақшасында көзделгендей,сотталған азаматтарға мекеме аумағында санитарлық-гигиеналық нормаларды сақтау қажеттігі, атап айтқанда сақал қойуға тиым салыну себептері мен салдары айтылып түсіндірілді.

Сотталғандармен кездесуде жүргізілген үгіт-насихат пен мәліметтер  бойынша туындаған сұрақтарға тиісті жауаптар қайтарылды.

Leave A Reply

Your email address will not be published.