Жақсылықовтың қызметтен кетуі Жаңатастағы оқиғаға байланысты емес

  Облыс әкімінің баспасөз қызметі Сарысу ауданының әкімі Бақытжан Жақсылықовтың қызметінен босатылуына қатысты  мәлімдеме жасады.  Кейбір бұқаралық ақпарат құралдарында және әлеуметтік желілерде әкімнің қызметінен босатылуы Жаңатастағы өртте қайтыс болған бес баланың оқиғасымен байланыстырылып берілген. Әкімдіктің айтуынша, бұл шешімнің ол оқиғаға ешқандай қатысы жоқ. "Бақытжан Жақсылықовтың өз еркімен қызметінен босатуын сұрап, берген өтінішіне сәйкес бұл шешім қабылданды", - дейді облыстық әкімдіктегілер.