Жамбыл облысында шаруа қожалығынан 16 қой мен қозыны ұрлап кеткен күдікті ұсталды
Жедел-іздестіру шаралары барысында 33 жастағы күдікті азамат анықталып, қазіргі уақытта заттай айғақтарды тәркілеу жұмыстары жүргізіліп жатыр.
Жамбыл облысында полицейлер қой ұрлығына күдікті азаматты ұстады, - деп хабарлайды Jambylinfo.kz polisia.kz-ке сілтеме жасап.
Тұрар Рысқұлов ауданына қарасты Талды жайылымында орналасқан шаруашылық қожалығында мал ұрлығы болғаны туралы хабар түскеннен кейін, аталған дерек бойынша ҚР Қылмыстық кодексінің 188-1-бабы (Мал ұрлығы) бойынша сотқа дейінгі тергеп-тексеру басталды.
Полицияға ұсақ мал өсірумен айналысатын шаруашылық басшысы шағымданып, белгісіз біреулердің иелігіндегі 16 қой мен қозыны жасырын түрде ұрлап кеткенін мәлімдеді.