Бүгін Өңірлік коммуникациялар қызметінің ақпарат алаңында ҚР Мемлекеттік қызмет істері агенттігі Жамбыл облысы бойынша департаменті басшысының орынбасары Нұрлан Еркебаевтың қатысуымен «2020 жылдың І жартыжылдық қорытындысы бойынша жұмыс көрсеткіштері туралы» онлайн баспасөз конференциясы өтті.
Нұрлан Тәңірбердіұлының айтуынша, ағымдағы 2020 жылдың екінші тоқсанынан бастап пандемия жағдайында өткен мерзімде мемлекеттік аппараттың жұмысының тұрып қалмауы аса маңызды болды.
Бұл үшін мемлекеттік органдардың жұмыстарын өзгеше форматта ұйымдастыру арқылы, мемлекеттік қызмет саласында жұмыс атқарып жүрген кадрлардың әлеуетін төмендетпеу маңызды болды.
2020 жылдың 6 айдың қорытындысымен облыстағы мемлекеттік қызметшілердің нақты саны – 4707 адамды құрады.
Бос лауазымдардың үлесі 265 бірлікті немесе жалпы штат санының 5,3%-тін құрады.
Бос орындардың үлесі өткен жылғы сәйкесті мерзіммен салыстырмалы 1,5%-ке азайып отыр. Дегенмен, оның ішінде аудандық жергілікті атқарушы органдарда бос орындардың едәуір үлкен үлесі байқалады.
