Жамбылда мектеп әжетханасында 8 сынып оқушысы көз жұмды
Жамбыл облысы Полиция департаменті бұл ақпаратты растап отыр
Қайғылы оқиға Байзақ ауданы, Құмжота ауылындағы Ыбырай Алтынсарин атындағы мектепте болған. Күдікті - кәмелетке толмаған жасөспірім уақытша ұстау изоляторына қамаққа алынған,-деп хабарлайды Jambylinfo kz.
Оқиға орнынан ақпарат таратқан журналист Данияр Әлімқұлдың дерегіне сүйенсек, 9 сынып оқушысы өзінен 1 жас кіші яғни 8 сынып оқушысына мектептің даладағы әжетханасында әлімжеттік көрсетіп, кеуде тұсынан ұрып өлтірген.
Облыстық білім басқармасының басшысы бұл оқиғаға байланысты ақпарат беруден бас тартқан.
Алайда бұл ақпаратты Жамбыл облысы Полиция департаменті растап, түсініктеме берді.